Është vetëdorëzuar në polici autori i dyshuar për vrasjen e Pjerin Xhuvanit në Elbasan. Ai është 34-vjeçari Arbër Papleka, ish-efektiv i Renea-s. Ai është me origjinë nga Tropoja dhe dyshohet se ka qëlluar me armë zjarri ndaj Pjerin Xhuvanit.
Si pasojë e ngjarjes së rëndë, Pjerin Xhuvani ka mbetur i vrarë. Ai ka qenë kryetar i Lëvizjes Socialiste për Integrim në qarkun e Elbasanit në kohën kur kjo forcë politike drejtohej nga Ilir Meta.
Gjithahstu u bë me dije se kanë mbetur të palagosur edhe dy persona të tjerë, një ndër to që ishte efektive e forcave “Shqiponja”. E plagosur mbeti efektivja Xhensila Shota e cila ndodhej në zonë në momentin që pati të shtëna me armë zjarri. Po ashtu ka mbetur i plagosur Kelmend Xhaferri.
Ngjarja ndodhi ditën e sotme në mes të qytetit të Elbasanit. Fillimisht, u raportua se kandidati i Partisë Demokratike, Gazmend Bardhi, ka ndaluar një automjet që shpërndante para për të blerë vota, ndërsa dëshmitarët kanë raportuar se kanë dëgjuar mbi 20-të shtëna.
Po ashtu bëhet me dije se në Elbasan ka mbërritur edhe drejtori i Policisë së Shtetit, Ardi Veliu i cili së bashku me ministrin e Brendshëm pritet të mbajnë konferencë të jashtëzakonshme.
