Dje u vra në fshatin Grudë të njësië administrative Rrethinat, biznesmeni Ferdinand Polia, i cili kishte në pronësi bujtinën Polia në zonën turistike të Thethit.
35-vjeçari, i njohur për të gjithë si Nardi i bujtinave, u qëllua me armë zjarri, ndërkohë që ishte duke udhëtuar me automjetin e tij tip fuoristradë.
Pas kësaj të shumtë ishin ata që ndanë dhimbjen për largimin e tij nga jeta.
Agim Dardha drejtor i Administratës të Zonave të Mbrojtura në Shkodër, tha se nuk kishte vënë re asnjë shqetësim në sjelljen e tij. Ai tregon gjithashtu se e ka takuar pak para vrasjes, dje rreth orës 13:30.
“Është një humbje e madhe për institucionin tonë, gjithë familjen, të afërmit dhe ata që e njohën. Kemi kaluar shumë kohë të mira me të dhe gjithmonë ka qenë vetëm me humor dhe i qeshur. Dje e takuam për herë të fundit teksa kemi konsumuar një kafe rreth orës 13:30. Ishte si zakonisht i qeshur dhe me batuta. Nuk vërejtëm asnjë shqetesim tek sjellja e tij apo ndonjë problem. Ishte normal si çdo ditë tjetër.”- u shpreh ai.
Nga ana tjetër, Age Martini, specialiste e Zonave te Mbrojtura Shkodër në ceremoninë tha se pak para vdekjes së tij e ka takuar, ndërsa nuk ka vënë re asnjë lloj shqetësimi.
“ E kemi njohur si një djalë shumë te mië. I shprehim ngushëllimet tona më të sinqerta familjes. Për herë të fundit konsumuam një kafe me të një ditë më parë. Ishte ashtu si zakonisht i qeshur dhe me sjelljen e tij që e ka karakterizuar dhe që e kanë njohur të gjithë. Ne dje po diskutonim planet për të ardhmen dhe për turizmin dhe nuk kemi verejtur asnjë lloj shqetësimi apo problemi tek ai. Ishte si gjithmonë.”, – u shpreh kolegia e tij.
