Një ngjarje e rëndë ndodhi dy ditë më parë në Meinestraße në rrethin Wolfsburg Vorsfelde të Gjermanisë.
Një atentat u bë ndaj dy të rinjve shqiptarë, të cilët ishin edhe kushërinj bashkë. Një 20-vjeçar nga Mati mbeti i pajetë, ndërsa i riu tjetër është në gjendje kritike për jetën.
Keidi Pasha është 20-vjeçari që mbeti i pajetë pasi mori 6 plumba në trup. Mësohet se viktima ishte djali i një punonjësi policie në Burrel. Rezulton se 20-vjeçari ka pasur precedentë të mëparshëm penalë në Shqipëri.
Në vitin 2014 ai është arrestuar për armëmbajtje pa leje. Në atë kohë vetëm 15 vjeç, Keidi u dënua nga Gjykata e Shkallës së Parë në Tiranë me 3 vite 6 muaj burg.
Arrestimi i tij u krye në Burrel, pas njoftimit të marrë nga Policia se një grup të rinjsh po kryente qitje me armë.
Duke qenë se ishte i mitur, Gjykata e Apelit në Tiranë kërkoi pezullimin e vendimit, duke e vënë në provë për një periudhë 2 vjeçare.
Keidi Pasha, 20 vjeç, është qëlluar për vdekje me armë zjarri mbrëmjen e 13 gushtit në Ëenden, një qytet mes Hanoverit dhe Volvsburgut. I riu nga Burreli ishte bashkë me një kushëri të tij, në momentin kur u qëllua me armë nga një person nga një makinë në lëvizje.
Mendohet se fillimisht ka patur një konflikt midis disa personave, ku dyshohet se dy personat e tjerë kanë qenë shqiptarë.
Konflikti ka vazhduar, duke përfunduar në humbjen e 20-vjeçarit Keidi Pasha.
