Vrasja e biznesmenit Billa/Arrestohet personi i katërt i përfshirë në ngjarje, ja roli që kishte

Google+ Pinterest LinkedIn Tumblr +

Arrestohet personi i fundit i përfshirë në vrasjen e Hekuran Billës.Nga të dhënat e para mësohet  se në pranga ka përfunduar P.Pusi, 25 vjeç.

Arrestimi është bërë nga Policia e Tiranës në bashkëpunim me atë të Shkodrës dhe 25-vjeçari është arrestuar në qytetin e Shkodrës.

Identifikimi i tij ishte bërë që më para, por vetëm sot ishte bërë i mundur arrestimi i tij.Pusi njihet si shok i ngushtë i Viktor Markut. Sipas burimeve nga grupi hetimor, ai ka qenë duke drejtuar makinën me të cilën u krye atentati ndaj biznesmenit Billa.

Autoritetet kanë tashmë 4 persona të arrestuar, Viktor Markun, Sebastian Malin dhe Adjola Lakrën si dhe 25-vjeçarin P. Pusi.

Ndërkohë kujtojmë se Hekuran Billa u ekzekutua më 11 qershor pranë “Qendrës Kristal” në Tiranë, ku kishte shkuar për të takuar motrën e tij që punonte në këtë qendër tregtare. Në orën 21:48 të së enjtes, biznesmenit iu pre rruga teksa udhëtonte me mjetin e tij, të llojit ‘BMW X6”, nga ekzekutori, i cili dyshohet se është Viktor Marku. Ky i fundit u arrestua në Malin e Zi dhe u soll në Shqipëri, pas prangosjes së nipit të tij, Sebastian Mali. Marku u mbrojt disa ditë më parë në gjykatë duke thënë se në momentin e vrasjes ndodhej në Mal të Zi.  Por një dëshmitar pretendon se Marku ka qënë në Shqipëri ditën e vrasjes së Billës, pasi i ka dhënë makinën që u përdor në atentat më qira.

Shpërndaje
Share.

Komento