Ngjarja e rëndë e Astirit tronditi sot të gjithë kryeqytetin.
28-vjeçari i identifikuar si Vilson Tafçiu u qëllua për vdekje në rrugën “Teodor Keko”.
Tafçiu ka qenë në një lokal i shoqëruar nga dy femra, kur një veturë me disa persona ka shkuar pranë lokalit dhe e kanë thirrur në emër.
28-vjeçari pasi ka dëgjuar emrin është çuar nga tavolina e ka dalë jashtë.
Ai u qëllua me breshëri plumbash, ku si pasojë gjeti vdekjen e menjëhershme.
Së fundmi, bëhet me dije se personat që ekzekutuan 28-vjeçarin janë fokusuar nga kamerat e sigurisë.
Ata kanë qenë të pamaskuar.
Sipas dëshmitarëve, njëri prej autorëve ka qenë i gjatë dhe me mjekër.
Autorët janë larguar menjëherë nga vendngjarja, ndërkohë që policia po heton në disa pika.
