Vrasja e Admir Murataj vazhdon të mbetet një nga ngjarjet më të përfolura dhe kjo për arsyen e thjeshtë pasi edhe pas një muaji nga vdekja e tij, ende nuk është përcaktuar se nga kush është vrarë.
Policia nga ana e saj hedh pretendimet se kanë qenë uniformat blu që në konfrontim e kanë qëlluar, ndërsa ka një hipotezë tjetër po aq të fortë, që Muratajn mund ta kenë vrarë vet kolegët e tij.
Pikërisht për këtë dilemë ka folur edhe gazetari Artan Hoxha, i cili ka hedhur një version të rëndësishëm, bazuar gjithmonë në raportet konfidenciale të dala nga vet policia.
“Punonjësit e policisë, nga deklarimet që kam marrë personalisht kanë thënë që nuk kemi patur fushëpamje, jemi munduar ta shohim vendngjarjen prapa, që a kanë mundësi, në fakt duket jashtëzakonisht e vështirë të kenë pasur fushëpamje”, thotë Hoxha.
Pra e thënë në fjalë të tjera, policia nuk mundet ta mbajë pretendimin për vrasjen e Murataj, pasi nuk kanë pasur mundësi që qoftë të shquajnë pozicionin e tij.
Ende ekspertiza nuk ka nxjerrë një përgjigje përfundimtare për vrasjen e atij që është quajtur truri i supergrabitjes së Rinasit.
Admir Murataj u vra në 9 prill pasi me një grup prej 5 personash arritën të hynin në Aeroportin e Rinasit dhe të vidhnin tashmë plotë 5.7 mln euro.
