Vrasja e 55-vjeçarit në Dukagjin, kjo është pista e fortë ku po heton policia

Google+ Pinterest LinkedIn Tumblr +

Detaje të reja janë zbuluar nga vrasja e 55-vjeçarit, Lazër Arraj në zonën e Dukagjinit në Shkodër.

Siç shkruan ‘Dosja.al’, Arraj dyshohet është vrarë pasi njoftoi policinë për parcelat me kanabis.

Ai u qëllua me dy plumba në trup në një rrugë dytësore në fshatin e tij.

Hetuesit arritën në konkluzionin se autor i vrasjes është kushuriri i tij, 25-vjeçari Marash Arraj.

Ky i fundit bashkë me vëllanë dhe babanë kanë njoftuar policinë për ngjarjen.

Ata u thanë forcave të rendit, se kishin dëgjuar krisma dhe më pas kishin gjetur të pajetë kushuririn e tyre.

Pas shoqërimit në polici, ata kanë dhënë disa versione mbi ngjarjen.

Kjo ka bërë që hetuesit të ngrenë dyshime, se autori është njëri nga dëshmitarët.

Pas kryerjes së veprimeve, ata i vunë prangat Marash Arrajt, ndërsa po punohet për të zbuluar nëse 25-vjeçari ka pasur bashkëpunëtorë.

Në momentin kur u vra, 55-vjeçari po transportonte ushqimet e dimrit drejt Shkodrës, ku kishte një shtëpi tjetër.

Rruga për në fshatin Palaj është tepër e vështirë, pasi duhet të ecësh për 4 orë me mjete të larta nga Shkodra dhe më pas duhen 45 minuta, për të shkuar në vendin ku ndodhi vrasja.

Pista kryesore e policisë është ajo e vrasjes për shkak të konfliktit për parcelat me kanabis.

Gjatë verës në fshatrat Ndreaj dhe Palaj janë zhvilluar disa aksione anti-kanabis.

Policia nuk arrestoi asnjë person si përgjegjës dhe nuk i çoi deri në fund hetimet.

Nisur nga këto rrethana, policia ka ngritur dyshime se kultivuesit e bimës narkotike, kanë qenë kushurinjtë e viktimës.

Shpërndaje
Share.

Komento