Në kushte ekstreme në kampin sirian, gjyshja dhe nëna 38-vjeçare i kërkojnë shtetit që t’i kthejë në Shqipëri

Google+ Pinterest LinkedIn Tumblr +

Shumë shqiptarë të cilëve u janë vrarë familjarët në luftë në Siri, kanë bërë thirrje shtetit, për t’i kthyer.

Ndër to është edhe 72-vjeçarja, Mentije Dumani si dhe 38-vjeçarja, Klotilda Zani.

Në një letër dërguar ‘Top Channel” Mentije Dumani tregon se prej 5 vitesh përballet me varfërinë e tejskajshme në kamp.

Ajo kërkon që të vdesë në vendlindjen e saj.

E moshuara shkoi në Siri, pas vrasjes së të birit, Shkëlzen Dumanit, për t’i qëndruar pranë nipit dhe mbesës.

“Unë Mentije Dumani, nënshtetëse shqiptare me nipin tim të dashur Endri Dumani 11 vjeç të lindur në Tiranë, kërkojmë që të na largojnë nga Siria sa më shpejt; të kthehemi në Shqipëri se jam një gjyshe 72 vjeç, dua që të vdes në vendlindjen time. Këto kërkesa që bëjmë, ju lutemi që t’I vlerësoni. Ka 8 muaj që kemi ardhur në kampin Al- Hol,duam sa më shpejt që nga ky vend të na largoni”, shkruan e moshuara.

Ndërkohë mamaja e 3 fëmijëve që u larguan nga Tirana në 2014-ën, tregon rreziqet që i presin në ditët në vijim.

Ajo ndodhet në kampin “Al hawl” prej 8 muajsh me 3 fëmijët e saj.

“Unë Klotilda Refat Zani, nënshtetase shqiptare bashkë me 3 fëmijët e mi, Adni Etjon Zani, Jasemin Etjon Zani dhe Selma Etjon Zani ndodhemi prej 8 muajsh në kampin Al Hoël, Siri. Prej një kohe të gjatë jemi në pritje të tërheqjes sonë në Shqipëri, duke qenë në kushte të vështira jetese dhe ekonomike dhe duke menduar e ardhjen e shirave dhe të ftohti do t’a bëjnë jetesën tonë më të vështirë. Kërkoj prej jush kthimin në familje, ju lutem!”, shkruan 38-veçarja.

Edhe gjyshja 70-vjeçare Asije Shuli, me një letër drejtuar kryeministrit, kërkon kthimin e 5 nipërve e mbesave, që ndodhen në Siri, pas ndarjes nga jeta të prindërve, Krenarit dhe Adelinës.

Përtej këtyre rasteve është edhe ai i Alvinit 11-vjeçar, që ndodhet i vetëm në kamp, pas vdekjes të së ëmës.

Shpërndaje
Share.

Komento