Kryeministri i vendit, Edi Rama ka qenë i pranishëm në një takim me anëtarë të komunitetit shqiptar në Luksemburg, ku ka folur për një sërë çështjes që lidhen me Shqipërinë.
Një nga çështjet kryesore të këtij takimi ka qenë edhe vota e emigrantëve, për të cilën ata e pyetën se çfarë do të bëhet.
Rama u përgjigj duke argumentuar se vota e emigrantëve nuk bëhet e mundur për shkak të bazës së të dhënave se ku janë të vendosur shtetasit shqiptarë nëpër botë.
Ai deklaroi se pavarësisht thirrjeve që emigrantët të deklarojnë të dhënat, mbledhja e tyre nuk është bërë e mundur.
“Vota e emigrantëve nuk është çështje dëshire apo vullneti nga ana jonë, se ne duam, por është çështje e bazës së të dhënave. Ne nuk kemi akoma sot një regjistër të popullsisë në emigracion. Edhe pse kemi bërë disa tentativa, nuk kemi arritur sepse siç jemi ne shqiptarët që edhe për të bërë pasaportën apo kartën ne identitetin shkojmë atë ditë, momentin kur na duhet se duhet të bëjmë diçka. Kjo çështja e databazës na pengon shumë për të bërë votimin e emigrantëve”, theksoi kreu i qeverisë.
