Von der Leyen reagon për vrasjen e gazetarit grek: Një akt i përbuzur e frikacak

Presidentja e Komisionit Europian, Ursula von der Leyen ka reaguar pas vrasjes së gazetarit grek George Karaivaz ditë e sotme. Ajo e ka dënuar krimin duke e quajtur një akt të përbuzur dhe frikacak, ndërsa shkruan se liria e shtypit është më e shenjta nga të gjitha. Në një postim në Twitter Von der Leyen kërkon që vrasësit të përballen me drejtësinë.

Postimi i plotë:

Vrasja e një gazetari është një akt i përbuzur, frikacak. Evropa qëndron për liri. Dhe liria e shtypit mund të jetë më e shenjta nga të gjitha. Gazetarët duhet të jenë në gjendje të punojnë në mënyrë të sigurt. Mendimet e mia janë me familjen e George Karaivaz. Shpresoj që kriminelët shpejt të sillen para drejtësisë.

Murdering a journalist is a despicable, cowardly act.

Europe stands for freedom. And freedom of press may be the most sacred of all. Journalists must be able to work safely.

My thoughts are with the family of George Karaivaz. I hope the criminals are soon brought to justice.

— Ursula von der Leyen (@vonderleyen) April 9, 2021

Gazetari i kronikës së zezë, George Karaivaz u ekzekutua ditën e sotme para shtëpisë së tij në Alimos, ndërsa para se të ndodhte ngjarja fatale, ai kishte qenë i ftuar në emisionin “Star” ku do të raportonte për një krim tjetër që tronditi Panhelenikën ditët e fundit, me vrasjen e dyfishtë të dy vëllezërve në Makrinitsa. Policia është vënë në kërkim të autorëve të dyshuar, që ia kanë mbathur nga skena e krimit duke u larguar me motor dhe është duke marrë në pyetje njerëz në zonë që mund të kenë informacion për ngjarjen.