Vjen herët bora e parë, zbardhet maja e malit të Gjallicës në Kukës

Google+ Pinterest LinkedIn Tumblr +

Moti i keq i ditëve të fundit ka përfshirë të gjithë vendin dhe ditën e sotme majat e maleve në Veri-Lindje të vendit janë zbardhur nga dëbora e parë.

Bora e parë zbardhi majat e Gjallicës dhe Koritnikut në Kukës. Ndërkohë reshjet e para të borës janë regjistruar edhe malet e Sharrit në Kosovë.

Duket se veç zbardhjes së maleve, bora ndikoi edhe në përmirësimin e situatës pas reshjeve. Kthjellimet dhe dielli i zunë vendin vranësirave dhe reshjeve të dendura të shiut që mbajtën zonën për tre ditë me radhë.Sipas parashikimit të meteorologëve, reshjet me intensitet deri mesatar në formën e shtrëngatave afatshkurtër do të vijojnë edhe përgjatë të dielës në disa zona të vendit.

Shpërndaje
Share.

Komento