Sot, Sekretari Amerikan i Shtetit, Antony Blinken, viziton Shqipërinë për herë të parë. Gjatë kësaj vizite të shkurtër, ai do të takohet me Presidentin Bajram Begaj dhe Kryeministrin Edi Rama. Pjesë e një turi që fillon në Shqipëri dhe përfundon në Berlin, pritet që zyrtari amerikan të mbajë një konferencë të përbashkët për shtyp me Kryeministrin Rama.
Vizita, e fokusuar në të ardhmen e Shqipërisë dhe Ballkanit Perëndimor, është vlerësuar si një moment i rëndësishëm nga DASH. Ish-ambasadorja e SHBA në Shqipëri, Yuri Kim, tani zv.ndihmëse e Sekretares së Shtetit për Evropën dhe Euroazinë, ka karakterizuar vizitën si një celebrim të partneritetit të fortë midis Shqipërisë dhe SHBA-ve.
DASH ka gjithashtu publikuar axhendën zyrtare të Sekretarit Blinken për këtë vizitë:
SEKRETARI ANTONY J. BLINKEN
Sekretari Blinken është në udhëtim në Shqipëri dhe Gjermani nga 14-17 shkurt 2024.
Ora 13:35 Sekretari Blinken zhvillon një takim dhe përshëndet me punonjësit e Ambasadës Amerikane në Tiranë dhe anëtarët e familjes në Tiranë, Shqipëri.
Ora 14:15 Sekretari Blinken takohet me aplikantët afganë për vizë emigruese speciale në Tiranë, Shqipëri.
Ora 15:05 Sekretari Blinken takohet me Presidentin shqiptar Bajram Begaj në Tiranë, Shqipëri.
Ora 3:35 Sekretari Blinken mban fjalim në një aktivitet të të rinjve dhe të diplomuarve me temë “ Festojmë të ardhmen e marrëdhënieve SHBA-Shqipëri” në Tiranë, Shqipëri.
Ora 16:15 Sekretari Blinken takohet me kryeministrin shqiptar Edi Rama në Tiranë, Shqipëri.
Ora 17:55 pasdite Sekretari Blinken merr pjesë në një ceremoni nënshkrimi për një Memorandum Mirëkuptimi mbi Shkëmbimin Akademik Fulbright dhe një Memorandum Mirëkuptimi Kundër Manipulimit Informativ të Shtetit të Huaj në Tiranë, Shqipëri.
Kjo ngjarje do të transmetohet drejtpërdrejt në faqen kryesore të Departamentit dhe Kanali YouTube.
Ora 18:10 Sekretari Blinken dhe kryeministri shqiptar Edi Rama mbajnë një konferencë të përbashkët për shtyp në Tiranë, Shqipëri.
