Ish-ministri i Shëndetësisë Ilir Beqaj është paraqitur ditën e sotme në Prokurorinë e Posaçme kundër korrupsionit dhe krimit të organizuar, SPAK. Beqaj është thirrur lidhur me koncesionin e sterilizimit, hemodializës dhe kontrollit të detyrueshëm shëndetësor (Check-up).
Vlen të theksohet se sterilizmi, Check Up dhe hemodializa, janë 3 koncesione korruptive që ndër vite kanë zhvatur qytetarët shqiptarë me qëllim pasurimin e disa oligarkëve.
Kujtojmë që para 4 ditësh, Vilma Nushi, përfituesja e PPP “Check-up” me vlerë 130 milionë Euro, u paraqit para SPAK për të dhënë llogari. Rezulton se oligarkja e shëndetësisë shqiptare ka ‘punuar’ bashkë me Ilir Beqajn për të sajuar koncesionin e “Check Up”.
Por, Vila Nushi edhe pse bashkëpunoi ngushte me Ilir Beqaj, i cili në atë kohë ishte ministër i Shëndetësisë, nuk e respektoi ‘kodin e heshtjes’. Duket që Vilma Nushi që zhvati mjekësinë shqiptare, nuk do ta përjetojë përsëri ndjesinë e të qenurit në burg dhe është në gjendje të sakrifikojë edhe njerëzit e saj më të afërt.
Për të shpëtuar vetën e saj, Vilma e “Check Up” ka nxjerrë detaje dhe informacione që fundosin Beqajn. Por tashmë që Vilma ‘shiti’ bashkëpunëtorin e saj të ngushtë në aferat korruptive, pritet të ndiqet zinxhiri i “tradhtive”.
Beqaj tashmë përballë drejtësisë në formën më të ashpër, nuk do kursejë asnjë, përfshirë edhe mikun e tj basketbollist, kryeministrin Edi Rama.
Në fakt, e kaluara tregon se Rama e ka mbrojtur Beqajn, madje edhe kur nuk u votua si deputet në Shkodër, kryeministri u kujdes që të ngrinte një drejtori vetëm që ta bënte atë drejtor. Ai e emëroi drejtor të Agjencisë Shtetërore të Programin Strategjik dhe Koordinimit të Ndihmës, ku konketisht ai menaxhonte fondet që vinin nga BE.
Duhet përmendur fakti se për Beqaj nuk është ndjekur procedura normale, pra ai nuk është marrë fillimisht në pyetje, por si formë presioni indirekt ndaj ish-ministrit ai do të hetohet me pranga në duar. Më herët , Ilir Beqaj është shprehur që nëse shkon në SPAK, nuk do të rezervohet ne deklaratat e tij dhe do t’i nxjerrë të gjitha.
Zinxhiri që po krijohet evidenton një probabilitet të lartë që “kutia e pandorës”, me shumë shkelje dhe abuzime me shuma të mëdha që kanë zhvatur qytetarët shqiptarë, të hapet së shpejti./ GazetaReforma
