Në Shqipëri ditën e sotme u shënua viktima e dytë nga koronavirusi.
Ministria e Shëndetësisë bëri me dije se 66-vjeçari nga Lushnja ndërroi jetë në spitalin Infektiv.
Mësohet se ai u infektua nga baxhanaku i tij në kohën kur ishte i shtruar te Sanatoriumi.
Më pas 66-vjeçari infektoi edhe 12 persona të tjerë, në mesin e të cilëve, 4 mjekë, një radiograf, 3 infermierë dhe 4 pacientë.
Bilanci i COVID-19 në vendin tonë ka shkuar në 55 të prekur dhe 2 viktima.
Harta e koronavirusit shtrihet në Durrës, Tiranë, Elbasan, Rrogozhinë, Lushnje e Fier.
Qeveria ka ndërmarrë një sërë masash për të parandaluar përhapjen e koronavirusit, duke kufizuar qarkullimin e makinave dhe lëvizjen e këmbësorëve.
Gjithashtu për të kthyerit nga Italia që nuk vetëkarantinohen ka nisur aplikimi i gjobës prej 700 mijë lekësh të reja.
Për të mbikëqyrur zbatimin e urdhërave të kryeministrit në terren kanë zbritur ushtria dhe policia, të cilat kanë ngritur dhjetëra pika kontrolli.
