Vijon skandali i ndërtimeve abuzive në Kavajë: Policia injoron denoncimet

Google+ Pinterest LinkedIn Tumblr +

Në kuadër të disa lajmeve që “gazetareforma.com” ka publikuar dje për sa i përket disa punimeve të paautorizuara në zonën e malit të Robit, duket se kanë reaguar edhe vetë banorët e zonës.

Qytetarët i janë drejtuar dje komisariatit të policisë në Golem, dhe kanë depozituar një denoncim për cënim të pronës private dhe punime pa leje nga ana e Bashkisë Kavajë.

Banorët  thonë se punimet kanë nisur dje rreth orës 10 të mëngjesit.

Por pas denoncimit pranë komisariatit në fjalë, për punimet, për të cilat ne disponojmë foto dhe video, policia akoma nuk ka marrë masa.

Këtë gjë policia e shpjegon me faktin se në të njëjtën kohë në zonë kishte ndodhur një ngjarje tjetër dhe u duhej të ishin atje.

Megjithatë çështja nuk është lënë me kaq pasi tashmë i ka kaluar SHÇBA-së (Shërbimi për Çështjet e Brendshme dhe Ankesat).

Ndërkohë përfaqësues të këtyre të fundit në një komunikim me “gazetareforma.com”, na konfirmuan se çështja do të zbardhet dhe do t’i jepet një zgjidhje.

Shpërndaje
Share.

Komento