Numri i të infektuarve me Covid-19 në vendin tonë po rritet çdo ditë e më shumë duke shënuar shifra rekord të prekurish por edhe viktimash.
Vetëm ditën e djeshme Ministria e Shëndetësisë njoftoi se në gjithë vendin janë kryer 1744 testime, nga të cilët kanë rezultuar pozitivë 421 qytetarë të prekur nga virusi SARS-COV2.
Ndërkohë sipas “BallkanWeb” aktualisht në Elbasan janë në karantinë 28 mësues dhe 8 nxënës, ndërsa një kopsht me mbi 100 fëmijë në qytetin e Peqinit prej javës së kaluar vazhdon të qëndrojë i mbyllur pasi personeli rezultoi i prekur nga Covid 19. Ndërkohë, Gjykata e Rrethit Gjyqësor të Elbasanit pasi qëndroi dy javë e mbyllur, ka nisur punën.
Ditën e djeshme në Elbasan u shënuan 20 raste të reja me koronavirus dhe që nga fillimi i pandemisë e deri më tani janë regjistruar 482 raste aktive.
