Mbrëmjen e djeshme efektivët e FNSH-së dhunuan një protestues, duke e bërë për spital pasi e gjakosën me shkop gome në kokë. Siç shihet edhe nga pamjet, i riu ka marrë plagë në kokë dhe është gjakosur. Efektivët e Forcave të Ndërhyrjes së Shpejtë e ka rrethuar, e kanë kapur nga xhupi dhe nisin t’i hedhin ujë.
Ata nuk e lëshonin, ndërsa qytetarët e tjerë kanë ndërhyrë.
“Çfarë të bëri more, ç’të bëra mor…po lëshoje more…”- thonë ata në sfond. Aty shihet edhe një tjetër protestues me xhup të kuq.
Së fundmi, Boja ka folur për herë të parë pas plagëve të marra në kokë dhe në vesh. Në një prononcim për “Panorama.al” ai ka rrëfyer se gjithçka ndodhi në fund të protestës, kur efektivët e Policisë ndërhynë për të neutralizuar gjendjen.
View this post on Instagram
“Gjithçka ndodhi në minutat e fundit të protestës. Policët filluan të shtyjnë dhe të godasin për të liruar trotuarin. Në gjaknxehtësi e sipër edhe unë iu ktheva policit. Tani jam më mirë. Jam plagosur në kokë dhe në vesh. Jam qepur. Jam me penj në vesh edhe në kokë. Me këtë gjendje e kam të pamundur tani për tani që të jetë i pranishëm në protestën e radhës,” – u shpreh ai.
Pas shoqërimit nga Policia mbrëmjen e djeshme, Boja përfundoi në spital duke marrë 6 qepje në kokë dhe disa të tjera në vesh.
View this post on Instagram
Kreu i qeverisë hoqi përgjegjësinë nga struktura e Policisë së Shtetit dhe e drejtoi atë vetëm te një individ, por në fakt qytetarët e dinë se kjo strukturë është e kalbëzuar, që nga hyrja në këtë strukturë, shmangia e përgjegjësisë, mostrajtimi i duhur në Akademinë e Policisë, etj.
E gjithë struktura nga Drejtoria e Policisë, te Shërbimi i Çështjeve të Brendshme dhe Ankesave deri tek Forcat Shqiponja, të gjithë drejtuesit duhet të largohen. Konkretisht, “iconstyle.al”, duke iu bashkuar nismës së protestuesve dhe kërkesës së tyre, kërkon largimin e:
-Muhamet Rrumbullaku, drejtor i SHÇBA, që manipuloi hetimin.
-Ardi Veliu, drejtori i Policisë së Shtetit.
-Gjovalin Loka, drejtori i Departamentit për Sigurinë Publike, mban përgjegjësi për dhunën ndaj protestuesve.
-Rebani Jaupaj, drejtor i Policisë Tiranë duhet të mbajë përgjegjësi pse policia ishte pa kamera në trup natën e ekzekutimit të Klodianit.
Sot sërish protestë!
Ditën e sotme do të zhvillohet sërish protestë për vrasjen e Klodian Rashës nga efektivi i policisë, mëngjesin e së hënës.
Në një hyrje live në emisionin “Opinion” një nga protestuesit ka thënë se protesta do të nisë në orën 16:00, duke shtuar se nga posti duhet të dorëhiqen edhe zyrtarë të tjerë.
/Burimi: Iconstyle.al/
