Në një nga ndërtesat më të njohura të Kopenhagen ka shpërthyer zjarr. Siç raportojnë mediat e huaja, ngjarja ka ndodhur mëngjesin e kësaj të marte ndërsa mësohet se nuk ka persona të lënduar por vetëm dëme materiale.
Zjarri përfshiu edhe majën e ndërtesës e cila u shemb mbi çati në një skenë që të kujton zjarrin e vitit 2019 në Notre-Dame të Parisit.
The historic 17th century building Børsen in the centre of Copenhagen right now pic.twitter.com/pbbSA5Fhyt
— Sean Coogan (@Cooganhagen) April 16, 2024
Ndërtesa historike, maja e së cilës ishte në formë si bishtat e katër dragonjve të ndërthurur, ishte në rinovim kur shpërtheu zjarri. Skelat përreth ndërtesës e bënë më të vështirë për shërbimet e urgjencës kalimin e zjarrit, ndërsa çatia prej bakri ruante nxehtësinë, tha departamenti i zjarrfikësve të Kopenhagës.