Video që po bën xhiron e rrjetit, Bill Clinton nuk i jep dorën Edi Ramës

Google+ Pinterest LinkedIn Tumblr +

Ish-presidenti i SHBA-ës, Bill Clinton ditën e sotme ka mbajtur një fjalim prekës në Kosovë me rastin e 20 vjetorit të çlirimit. Fjalimi i tij ka marrë duartrokitje të shumta nga populli i Kosovës të cilët ndihen falenderues për ndihmën e tij.

Pasi ka mbaruar fjalimin Clinton, i ka dhënë dorën Kadri Veselit i cili ka qenë ngjitur me kryeministrin Rama, por vetë kryeministrin shqiptar e ka injoruar duke mos i dhënë dorën. Nuk përjashtohet as mundësia se Clinton mund të mos e ketë njohur, kjo për shkak të syzeve të diellit që kryeministri Rama kishte vendosur.

Më pas Klinton ka vazhduar duke i dhënë dorën Ilir Metës e Ramush Haradinajt.

Clinton u shpreh në fjalimin e tij se ai mban në zyrë një foto nga lufta e Kosovës, për të treguar se çfarë është e aftë të bëjë politika.

Më tej ish-presidenti u shpreh se sot Kosova duhet të shohë përpara, dhe përkrahja e SHBA-ve në këto 20 vite ka qenë e palëkundur, pavarësisht nëse në Shtëpinë e Bardhë kanë qenë Republikanët apo Demokratët.

Pjesë nga deklarata e Clinton: 

”Dua të falenderoj qytetarët e Kosovës për këtë pritje që na bëni. Do të jetë nderi më i madh në jetën time që kam qenë pranë jush në kohën e spastrimit etnik. Kam një fotografi të Tony Blair dhe timen në zyrë nga koha e luftës.

Çdo ditë që qëndroj në atë zyrë dhe e shoh fotografinë e kuptoj se cili ka qenë qëllimi kryesor i politikës, dhe e drejta e vendimit që kam marrë. 79 ditë të bombardimeve nga NATO e kanë fituar atë luftë. Pas 20 vitesh ju e keni arritur paqen.

E di që në kohë paqeje pyetja që shtrojmë është se çfarë të bëjmë për të ardhmen. Shumë menduam kur ra muri i Berlinit, të gjithë do të bëheshim miq, por nuk ndodhi kështu. Ju duhet të qëndroni për atë që mendoni se është e drejtë. Kosova për SHBA dhe NATO qëndronte më e madhe sesa vetja jonë. SHBA kanë qenë gjithnjë pranë jush, pavarësisht se kush parti drejtonte Shtëpinë e Bardhë, apo se cila e drejtonte Kongresin.

Ajo që duhet të bëni sot është të falenderoni Zotin që keni bërë pjesë e zgjedhjeve dhe nuk keni më nevojë që të gjuani njëri tjetrin me bomba. Unë besoj se shumë nga ky konflikt është dizanjuar nga njerëz që nuk kanë brenga për të ardhmen e fëmijëve tyre, unë dua që të jem një memorje e largët për të moshuarit.”

Shpërndaje
Share.

Komento