Merren në mbrojtje anëtarët e KQZ që refuzuan dekretin e Metës

Google+ Pinterest LinkedIn Tumblr +

Katër anëtarët e Komisionit Qendror të Zgjedhjeve janë marrë në mbrojtje nga njësia speciale e policisë. Kjo ka ndodhur menjëherë pasi ata refuzuan dekretin e Metës për të anuluar zgjedhjet.

Ende nuk dihet nëse ndonjëri prej tyre ka marrë ndonjë kërcënim ose mund të jetë thjesht edhe për të tërhequr sa më shumë vëmendjen e njërëzve në këtë siuatë politike paksa kaotike.

Nënkryetari i KQZ, Denar Biba mbajti një mbledhje ditën e sotme të kryesuar nga vetë ai. Kryetari Klement Zguri nuk ishte i pranishëm për shkak të anulimit të zgjedhjeve.

Njoftimi i plotë i KQZ-së për rendin e ditës së sotme:

Bazuar në nenin 22, pika 2, e Kodit Zgjedhor, nenin 12 të Rregullores “Për organizimin dhe funksionimin e Komisionit Qendror të Zgjedhjeve”,  Zv. Kryetari z. Denar Biba, Anetaret; z. Bledar Skenderi, znj. Edlira Jorgaqi dhe znj. Rezarta Bitri kanë kërkuar thirrjen e mbledhjes.

Sot, me 12.06.2019, Ora 13:00, me rend dite:

“Për miratimin e listës emërore të shtetasve të cilët mund të emërohen kryesisht anëtarë KQV-ve, për zgjedhjet për organet e qeverisjes vendore të dates 30 qershor 2019”.
“Për dhënien e autorizimit për ndryshimin e vendndodhjeve të disa QV-ve, për zgjedhjet për organet e qeverisjes vendore të dates 30 qershor 2019”.
‘Për miratimin e vëzhguesve afatgjatë të Institutit Demokratik Amerikan ( NDI), për zgjedhjet për organet e qeverisjes vendore të dates 30 qershor 2019”.
“Për një shtesë në Vendimin nr.669, të datës 28.05.2019 ‘Për miratimin e vëzhguesve afatgjatë të KSHH’, për zgjedhjet për organet e qeverisjes vendore të dates 30 qershor 2019”.
“Për miratimin e vëzhguesve afatgjatë të Shoqatës për Gratë dhe Fëmijët, për zgjedhjet për organet e qeverisjes vendore të dates 30 qershor 2019”.

Shpërndaje
Share.

Komento