Edhe pse ka debate të forta për mënyrën se si do të bëhet, ku po prodhohet, apo çfarë pasojash do të ketë, vaksina kundër koronavirusit është e vetmja “shpresë” për të frenuar pandeminë e cila po sjell valën e dytë në Europë.
Mijëra doza të vaksinës kundër koronavirusit po prodhohen në Belgjikë dhe kjo është ajo që bota po pret me padurim.
Presigjiozia “Daily Mail” ka publikuar sot foto ku gjiganti i ilaçeve “Pfizer” po prodhon “disa qindra mijëra doza” të vaksinës që mund t’i japë fund mjerimit të Covid-19 që ka pushtuar planetin.
“Mail online” shkruan se, vaksinat po bëhen gati, dhe nëse provat klinike janë të suksesshme dhe rregullatorët e gjykojnë atë të sigurt dhe efektive, ajo do shpërndahet shumë shpejt në botë.
Gjiganti amerikan shpreson të vërë në dispozicion 100 milion doza këtë vit, nga të cilat 40 milion janë të destinuara për Mbretërinë e Bashkuar.
Në një intervistë me “The Mail” të Dielën, shefi i “Pfizer” në Mbretërinë e Bashkuar, Ben Osborn deklaroi se: “Ishte kënaqësi të shihje shishen e parë që dilte nga linja e prodhimit. Thjesht më solli një buzëqeshje të jashtëzakonshme në fytyrën time për të parë të gjithë këtë punë që finalizohet në një produkt”.
/Burimi: Daily Mail/Përktheu: GazetaReforma.com/
