VIDEO-FOTO/ ‘Nami’ tek Infektivi, ambulancat mbushin parkimin. Nuk ka më vend as për…

Shifrat janë rritur ndjeshëm në Shqipëri me të infektuar nga koronavirusi, por më shumë se kurrë kjo situatë shikohet pranë Spitaklit Infeksiv në QSUT, aty ku është dhe stacioni i parë i pacientëve.

Pamjet video dhe fotot që kanë bërë tashmë xhiron e rrjetit, vijnë sot nga spitali “Covid-1”, ku siç njihet aktualisht Infektivi, nuk ka më vend as për autoambulanca që sjellin të sëmurët me koronavirus.

Fotot tregojnë qartë se edhe parkingu i Infektivit është mbushur me ambulanca që mbajnë pacientët.

E njëjta situatë është thuajse edhe tek spitali “Covid-2”, ose “Shefqet Ndroqi”, i njohur ndryshe edhe si Sanatoriumi.

Vetëm tek Infektivi, shikohet se ka një fluks urgjencash ndërsa mbi 10 autoambulanca janë rreshtuar në oborr, me pacientët e shtruar brenda që presin të futen në spital.

Nga sa bëhet e ditur, spitali Infektiv dhe ”Shefqet Ndroqi” janë në limitet e ezaurimit të kapaciteteve, kurse COVID-3 ka dhe disa shtretër të lirë, sipas autoriteteve.

Ndërkohë shihet që tashmë pacientëve me COVID-19 u duhet të presin jashtë nëpër ambulanca, që të lirohet një shtrat dhe të futen ata.

Por ajo që është më e çuditshme, është fakti se prej disa kohësh nuk po raportohet numri i atyre që janë shëruar dhe që lënë spitalet, pasi e kalojnë koronavirusin.

/GazetaReforma.com/