VIDEO/ Boks për bamirësi. U mbyll me barazim ndeshja mes dy legjendave Mike Tyson dhe Jones Jr.  

Google+ Pinterest LinkedIn Tumblr +

Ai tregoi se sporti dhe fama nuk njohin moshë por po ashtu dhe forca, edhe pse këtë herë ajo nuk u përdor për titull, por për bamirësi.

Megjithatë është mbyllur në barazim ndeshja e shumëpritur e boksit që pa rikthimin në ring të legjendës Mike Tyson.

Në moshën 54-vjeçare “Iron Mike” sfidoi në ndeshjen e ekzibicionit një tjetër emër të madh në historinë e boksit si 51-vjeçarin Roy Jones Jr.

Pavarësisht moshës së dy sportistëve të tërhequr prej kohësh, nuk munguan goditjet e klasit.

Edhe Mike Tyson, që u ngjit në ring me doreza të zeza në nder të dy miqve të tij që u ndanë nga jeta gjatë këtij viti Kobe Bryant dhe Diego Armando Maradona, rishfaqi disa prej karakteristikave që e bënin të pamposhtur gjatë rinisë së tij.

Por në fund, gjyqtarët vendosën që sfida e zhvilluar në “Staples Center” të Los Angeles të mbyllej në barazim me pikë.

/GazetaReforma.com/

 

Shpërndaje
Share.

Komento