Video/ Bizneset në Lungomaren e Vlorës protestë, vendosin himinin kombëtar me zë të lartë jashtë orarit të lejuar

Prej disa ditësh bizneset në vend kanë kërkuar nga qeveria që të rishikojë orën policore dhe disa prej masave kufizuese, për të cilat thonë se po i çojnë drejt falimentimit. Po ashtu ka ndodhur edhe me bizneset në Vlorë, të cilat mbrëmjen e sotme kanë zgjedhur një formë mjaft origjinale proteste.

Në shenjë proteste bizneset në Lungomare kanë vendosur në sfond himin kombëtar për t’i kërkuar qeverisë që të plotësojë kërkesat e tyre. Himni është vendosur pak minuta para orës 22:00, kur është edhe orari që muzika qështë e ndaluar sipas aktit normativl.

Protestat ishin paralajmëruar që më herët për ndryshimin e orarit të mbylljes, pasi operatorët thonë se gjatë sezonit veror kjo gjë i ndikon negativisht bizneset, në një kohë kur shtohet edhe numri i turistëve. Ata i kishin drejtuar një letër kryeministrit, ku kërkonin që orari i lejimit të muzikës të shtyhet deri në orën 00:00, ndërsa orari i mbylljes të shtyhet deri në orën 02:00. Protesta ishte paralajmëruar pikërisht për mbrëmjen e sotme.

I shpejtë ka qenë edhe reagimi i policisë e cila ka mbërritur menjëherë në Lungomare. Përplasje ka pasur mes pronarëve të bizneseve dhe policisë, pasi të parët kanë refuzuar të mbyllin aktivitetin e tyre. Bëhet me dije se disa persona janë shoqëruar në komisariat.