Ka qenë një defekt në pajisjet elektrike që ka bërë që një autoveturë të përfshihet nga zjarri në mes të superstradës Elbasan-Peqin.
Ndërkohë në një video të siguruar nga mediat, shërbimi zjarrfikës ka ndërhyrë duke bërë të mundur shuarjen e flakëve edhe pse autovetura është pothuaj se shkrumbuar.
Por për fat të mirë 22-vjeçari që po e drejtonte mjetin, ka mundur që të shpëtojë mrekullisht. Po ashtu mësohet se nga zjarri, nuk ka pasur persona të tjerë të lënduar.
Dyshohet se shkak i zjarrit është bërë një defekt në motor, çka ka bërë që mjeti të përfshihet nga flakët.
Sakaq, si pasojë e makinës që është përfshirë në flakë aksi rrugor ka qëndruar për gati 30 minuta i bllokuar, duke sjellë edhe rëndimin e trafikut në këtë segment nacional.
/Burimi: Dosja.al/ GazetaReforma.com/
