Vendos të mbrohet vetë, ish-kreu i Krimeve të Rënda del përpara trupës së vettingut

Google+ Pinterest LinkedIn Tumblr +

Në këto momente po zhvillohet seanca dëgjimore në Komisionin e Pavarur të Kualifikimit, për ish-kreun e Krimeve të Rënda, Besim Hajdarmataj.

Sipas ‘Newsbomb’, trupa gjykuese përbëhet nga Brunilda Bekteshi, Roland Ilia dhe Suela Zhegu.

Këto të fundit kanë dëgjuar dëshmitë e Hajdarmatajt për tre shtyllat e vlerësimit, që janë pasuria, pastërtia e figurës dhe aftësia profesionale.

Mësohet se ish-kreu i Krimeve të Rënda ka vendosur të mbrohet vetë dhe nuk ka marrë avokat.

Besim Hajdarmataj e ka nisur karrierën në sistemin e drejtësisë në vitin 1999.

Përgjatë 20 viteve ai ka mbajtur poste drejtuese në Prokurorinë e Tropojës dhe Kurbinit.

Në maj të 2015-ës ai kalon te Krimet e Rënda dhe një vit më vonë mer në dorë frenat e këtij institucioni.

Në shtator të 2018-ës, Hajdarmataj pati një përplasje me Prokuroren e Përgjithshme të Përkohshme, Arta Markun, e cila e transferoi në Pogradec.

Hajdarmataj e konsideroi transferimin të paligjshëm dhe Gjykata Administrative e më  Këshilli i Lartë i Prokurorisë, i dhanë të drejtë dhe e rikthyen te Krimet e Rënda si prokuror.

Shpërndaje
Share.

Komento