Gjykata Kushtetuese mori sot vendimin në lidhje me Teatrin Kombëtar, duke pezulluar punimet për ndërtimin e një godine të re. Gjykata shfuqizoi gjithashtu ligjin special për teatrin duke e cilësuar atë antikushtetues.
Ndër të tjera, Gjykata Kushtetuese shfuqizoi vendimin e Këshillit të Ministrave për t’i kaluar Teatrin Kombëtar në pronësi të Bashkisë së Tiranës duke thënë se është i papajtueshëm me Kushtetutën.
Lidhur me këtë vendim ka reaguar edhe kryebashkiaku Erion Veliaj, për të cilin Gjykata i ka dhënë të drejtë Bashkisë. Veliaj shkruan se duhet të vazhdohet përpara e të ndërtohet shtëpia më e madhe e modern e Teatrit në Ballkan. Ai thotë se nuk mund të humbet kohë me histeri, si me çdo projekt të madh.
Sipas Veliajt, Bashkia ka të drejtë, pasi GjK e la në fuqi vendimin për prishjen e Teatrit Kombëtar.
“Tani te ecim perpara e te ndertojme shtepine me te madhe e moderne te Teatrit ne Ballkan, boll humbem kohe me histeri, si me cdo projekt te madh!
Gjykata Kushtetuese i jep të drejtë Bashkisë së Tiranës, lë në fuqi vendimin për prishjen e Teatrit Kombëtar”, shkruan Veliaj.
Deri tani në lidhje me vendimin e Gjykatës Kushtetuese kanë reaguar Lulzim Basha dhe Petrit Vasilli, dnërsa ende nuk ka ardhur një reagim nga kryeministri Edi Rama.
