Në një kohë që qendrat e qyteteve po ndriçohen e po zbukurohen, vlen të kthehet vëmendja në periferi, fshatra apo lagje, zona të cilat qeveria i ka harruar.
64 ditë larg zgjedhjeve elektorale, kryeministri i vendit Edi Rama është foksuar tërësisht në ndërtimet dhe shndërrimet “rilindase” të qendrave të qyteteve.
Por janë lënë në harresë shumë lagje e zona, duke nisur nga kryeqyteti. Shumë banorë jetojnë pa drita, ujë e pa energji elektrike. Madje shumë prej tyre ankohen dhe për cilësinë e rrugëve, që shpesh iu është premtuar por akoma nuk janë realizuar.
Një ankesë vjen dhe nga banorët e Shkozës, të cilët i bëjnë thirrje bashkisë Tiranë të marrë masa për asfaltimin e rrugës. Qytetarët thonë se kalimi në rrugën “Vilson Blloshmi” është tejet i vështirë edhe për automjetet si pasojë e amortizimit.
Prej vitesh ky aks ka qenë i paasfaltuar dhe me kalimin e kohës gjendja e saj është degraduar.
Banorët e zonës thonë se situata rëndohet për to në kohë me shi. Sipas tyre makinat nuk arrijnë të kalojnë. Premtimet që një ditë rruga do të shtohet kanë qenë vetëm në kohë fushate.
Prej vitesh qytetarët e Tiranës përballen me mungesën e investimeve në infrastrukturë nga Bashkia e drejtuar nga Erion Veliaj.
Por mesa duket këto zgjedhje, kryebashkiaku sëbashku me qeverinë Rama, janë përqëndruar tek rindërtimi nga tërmeti dhe pandemia, duke u justifikuar kështu për çdo përgjegjësi para qytetarëve që iu kërkojnë votën.
