Pelivan Sinorrapaj ndërroi jetë në spitalin e Traumës pasi u rrah barbarisht nga shokët e tij në qytetin e Ballshit. 57-vjeçari qëndronte prej 9 ditësh në spital, pas sherrit që nisi për bindje politike. Mbërmjen e 29 janarit Pelivan Sinorrapaj ishte ulur në lokal me shokët e tij Fitim Zekaj, Festim Alimetaj dhe Ferdinand Meraj. Pas konsumit të alkoolit mes tyre ka nisur edhe konflikti, pasi Sinorrapaj ishte shprehur me fjalë pozitive per Partinë Socialiste . Konflikti ka vazhduar edhe jashtë lokalit, ku tre shokët e kanë dhunuar 57-vjeçarin në mënyrë barabare.
Pavarësisht lajmeve për shkakun e konfliktit, djali i viktimës, Fatmir Sinorrapaj ka thënë për mediat se i ati i tij nuk merrej me politikë dhe se nuk ishte i dehur. Ndër të tjera ai ka kërkuar drejtësi, pasi vetë është i pafuqishëm të marrë hak.
“Babai im nuk merrej me politike. Kur është kthyer për në shtëpi nuk ka pirë me këta persona, nuk ka qenë i pirë, por e kanë ngrënë në besë dhe e kanë vrarë. Këta kanë qenë duke pirë bashkë, dhe janë debatuar në lokal, duke ardhur në shtëpi e kanë goditur me shufra hekuri tre persona. Babai im ka vdekur, kamerat janë çdo është e filmuar. Më parë ka pasur konflikt me Ferdinandin, ne kërkojmë drejtësi. Vendi është i korruptuar, unë ja lë Zotit dhe perëndisë sepse vetë hak nuk marr dot”, shprehet ai.
Gjykata e Fierit la të lirë tre shokët e 57-vjeçarit vetëm dy ditë pasi u arrestuan. Për Fitim Zekajn u vendos masa e sigurisë “detyrim paraqitje, ndërsa “arrest shtëpie” për Festim Alimerkajn dhe Ferdinand Merajn.
