por duket se një prej tyre nuk ka shkuar siç duhet. Vangjel Tavo ndryshe nga deputetët e tjerë vazhdon ende të jetë deputet dhe kjo për shkak të një lapsusi të bërë prej tij në shkrimin e emrit të të atit në momentin e firmosjes së dorëheqjes nga mandati.
Nëpërmjet një statusi në rrjetin e tij social, Facebook, Tavo shpjegon se pavarësisht lapsusit, ai vazhdon të jetë në të njëjtën linjë që ka qenë dhe sapo të kthehet nga një udhëtim jashtë vendit, do të firmosë edhe një herë.
Tavo mban mandatin e deputetit të LSI-së për qarkun e Gjirokastrës, status që nuk do ta mbajë më pas heqjes dorë nga mandati.
STATUSI I PLOTË
Miq, sapo mësova nga media në lidhje me një shkelje të procedurave për verifikimin e gjeneraliteteve të personit tim, nga ana e Këshillit të Mandateve dhe Imuniteteve në Kuvendin e Shqipërisë në lidhje me dorëzimin e mandatit tim si deputet në Kuvendin e Shqipërisë.
Nxitimthi, gjatë plotësimit të formularit kam kryer një lapsus nga ana ime, në lidhje me emrin e saktë të babait, pasi nuk është shënuar sipas pashaportës. Unë i qëndroj më shumë dhe më bindshëm se kurrë qëndrimit dhe aktit politik të dorëzimit të mandatit, ndaj do e plotësoj edhe një herë formularin në mënyrë të saktë dhe do e dorëzoj me t’u kthyer në Shqipëri nga një vizitë që po bëj jashtë vendit.
Por ndërkohë dua të denoncoj shkeljen e të gjitha procedurave nga ana e Kuvendit të Shqipërisë për verifikimin e dokumnetacionit që vërteton të dhënat e mia.
Akti i formalizimit të lënies së mandateve të deputetëve të opozitës, nuk po bëhet aspak me seriozitetin e duhur.
Ligjërisht, Këshilli i Mandateve dhe Imuniteteve në Kuvend duhet të thërriste një e nga një deputetët e dorëhequr të cilët duhej edhe njëherë të deklaronin heqjen dorë nga mandati përballë këtij komisioni. Por kjo procedurë nuk është ndjekur dhe dokumentat e firmosura nga deputët i kanë kaluar direkt nga Kuvendi KQZ-së pa u verifikuar dhe ndjekur procedurat.
Unë e pranoj lapsusin për të cilin jam informuar nga media. I qëndroj absolutisht linjës opozitare për djegien e mandateve dhe sapo të kthehem në Shqipëri do firmos edhe njëherë dorëheqjen.
Por shikoni miq, ja ky është serioziteti i institucioneve tona. Askush nuk e verifikoi atë që unë kisha shkruar. Kjo është një shkelje e rëndë institucionale.
Ju falenderoj për mirëkuptimin dhe mbështetjen tuaj të përhershme.
Gjithmonë i juaji,
VT
