Ministrja e Shëndetësisë dhe Mbrojtjes Sociale, Ogerta Manastirliu ka bërë me dije përpara dy ditësh se do të hapën fushatat e vaksinimit për moshën +18 vjeç, për datat 29-30 qershor. Gjatë dy ditëve në vijim, të gjithë të rinjtë e moshës +18 vjeç mund të vaksinohen me vaksinën anti-COVID.
Ditën e sotme me anë të një postimi në rrjetet sociale, Manastirliu këtë të hënë iu ka bërë thirrje të gjithë të rinjve që dëshirojnë të vaksinohen, që të aplikojnë në e-Albania. Gjithashtu ministrja Manastirliu nëpërmjet një postimit, njofton se qendrat e vaksinimit do të jenë të hapura nesër dhe pasnesër, nga ora 08:00-20:00.
“Aplikoni në e-Albania për t’u vaksinuar nëse jeni +18 vjeç, më 🗓 29-30 qershor, të cilat do të jenë ditët e hapura të vaksinimit masiv.
Qendrat e vaksinimit që do të jenë të hapura nesër dhe pasnesër, nga ora 08:00-20:00” shkruan Manastirliu.
Ndërkohë kujtojmë se ditën e sotme specializantët e mjekësisë kanë zhvilluar ditën e sotme një protestë para Ministrisë së Shëndetësisë. Kjo protestë e tyre, ka ardhur për shkak se pas një viti shërbimi kundër pandemisë “Covid-19”, një mijë mjekë specializantë janë hequr nga puna. Ndërsa kërkuan takim me Ministren e Shëndetësisë Ogerta Manastirliu, ata paralajmëruan se nëse çështja nuk merr zgjidhje, atëherë do t’i drejtohen Gjykatës.
