Ashtu si shumë vende të Bashkimit Evropian, edhe Greqia ka nisur procesin e vaksinimit të shtresave të rrezikuara nga Covid-19.
Ky është një nga lajmet që të gjithë prisnim, por marrja dhe ruajtja e vaksinës ka kushtet e saj dhe kërkon rëndësi në infrastrukturën e dërgimit të saj në çdo qendër shëndetësore.
Për këtë çështje ka folur edhe mjeku shqiptar në Greqi Vasil Llajo, i cili tha një sërë këshillash dhe tregoi çmimet që variojnë në treg për marrjen e një vaksine.
Sipas tij, vaksinimi ka nisur në muajin dhjetor në mënyrë simbolike me presidentin dhe me kryeministrin e vendit, ndërsa më pas ky proces ka vijuar tek spitalet Covid-19.
“Procesi i vaksinimit në Greqi ka nisur që me datë 27 dhjetor në mënyrë simbolike te presidenti i republikës, dhe kryeministrit dhe më 28 dhjetor ka filluar te spitalet Covid, te mjekët, që janë në kontakt me virusin. Mjekët e qendrave reanimatore”, tha ai.
Gjatë interviste në skype, mjeku Llajo tregoi për publikun se një vaksinë kundër Covid-19 u kushton shteteve nga 10-20 euro, por shtoi se as Greqia nuk ka dhënë detaje mbi çmimin e blerjes së vaksinave.
Ndërsa u shpreh se ky është një çmim normal dhe i përballueshëm, mjeku tha se injektimi i vaksinës në trupin e njeriut nuk bëhet në -70 gradë, por shtoi se duhet lihet fillimisht të vijë në temperaturë normale e më pas të aplikohet tek pacienti.
“Kostoja e një vaksine është nga 10-20 euro, dhe unë nuk jam në gjendje të jap informacione për këto. Shteti nuk i ka bërë me dije. Kostoja e vaksinës është nga 10-20 euro. Në lidhje me transportin dhe ruajtjen e vaksinës mendoj se ka pasur një transparencë. Dihet fare qartë se kushtet e ruajtjes së një vaksine është -70 gradë. Ruhet për dy javë.
Vaksina nuk injektohet tek popullata, tek marrësi i saj në -70 gradë, por kjo vaksinë lihet të vijë në temperaturën normale, jo e turbulltë dhe pastaj injektohet. Vaksina nuk injektohet direkt nga akullit i thatë nga -70 gradë, por kalon në temperaturë nga -2-8 gradë, që ruhet fare mirë për dy ditë”, u shpreh Llajo.
Ndërsa në Britani dhe Itali numri i të vaksinuarve i ka kaluar mbi 1 mijë pacientë dhe pritet që gjendja të shkojë drejtë një trajektore zbutëse në javët pas janarit, kur pjesa më e madhe e popullsisë të jetë vaksinuar. Ndërsa po shpresohet se në disa vende, mes tyre dhe Shqipëria tashmë të jetë arritur imuniteti i tufës.
Gjithsesi mbetet shqetësues dhe jo në favor të vaksinimit varianti i ri i covid-19, i cili përhapet në ritme shumë të shpejta./Gazetareforma.com/
