Shefja e Departamentit të Sëmundjeve Infektive në Institutin e Shëndetit Publik , Silva Bino ka folur në një intervistë në ABC Neës për mbërritjen e vaksinave kineze në Shqipëri duke thënë se provat e fazës së tretë janë filluar që në korrik të vitit të kaluar në Kinë e po ashtu në vende të tjera. Bino është shprehur se qëllimi i vaksinave është ulja e vdekshmërisë dhe e shtrimeve në spitale dhe kjo nuk ka lidhje me efiksitetin, por me parandakimin e përhapjes.
“Kjo vaksinë i ka filluar provat e fazës së tretë që në korrik të 2020 në Kinë, ka filluar po ashtu në Brazil, Turqi, Kili të cilat kanë vlerësuar dhe efikasitetin ndaj sëmundjes me 50.6 % dhe shkonte 100 % te rastet më të rënda dhe 83% për rastet që kërkonin hospitalizim. Qëllimi i vaksinave është ulja e vdekshmërisë dhe i shtrimeve në spitale. Kjo nuk ka lidhje me efikasitetin por një gjë e tillë lidhet dhe me parandalimin e përhapjes:, ka thënë Bino.
Po ashtu ajo ka thënë se vaksina ka të dhëna të mira në përdorim, por duhet të jemi të përgatitur për efektet anësore që mund të japë. Sipas Binos e rëndësishme është që vaksinat të ndihmojnë në imunizimin e popullatës.
Gjithashtu ne duhet të jemi të përgatitur për çdo efekt anësor që mund të japë. E rëndësishme është që vaksinat të ndihmojnë në imunizimin e popullatës sonë. AstraZeneca është një vaksinë vektoriale, Sputnik Vqë dallon se ka dy lloj vaksinash dhe po marrim një vaksinë me virus të imunizuar”, ka thënë Bino.
Ditën e sotme u bë e ditur se qeveria shqiptare ka nënshkruar marrëveshje me distributorin turk të Sinovac, “Keymen Ilaç Sanayi ve ticaret” A.Ş., për mbërritjen e vaksinave kineze në Shqipëri, ndërsa pritet që dozay e para të mbërrijnë në fillim të muajt prill.
