Në rrjet prej orësh po qarkullon një video, ku trajneri i moshave të Laçit, dhunon lojtarët e tij.
Bëhet fjalë për trajnerin, Ndue Tarazhi, ndërsa ekipi është Laçi U-17.
‘Dosja.al’ shkruan, se ai është ndaluar pak momente më parë nga policia.
Nga biseda mes tij dhe futbollistëve, nënkuptohet se ata kanë humbur ndeshjen dhe nuk kanë luajtur mirë.
Tarazhi i quan adoleshentët, pisa, maskarenj dhe palaço, ndërsa më pas i godet me shuplakë në kokë.
Ai gjithashtu dëgjohet t’i thotë, se do t’i marrë shpirtin.
Njëri prej lojtarëve pas goditjeve të shumta nuk ka duruar dhe është çuar në këmbë.
