Ulsi Manja: “Ndryshime në Kodin Penal, burg kush godet policët”

Google+ Pinterest LinkedIn Tumblr +

Kreu i Komisionit të Ligjeve Ulsi Manja tha se do të ketë ndryshime në Kodin Penal.

Manja i cili ishte i ftuar në “news 24” u shpreh se ndryshimet bëhen nga ekspertë të ligjeve. Ai tha se do të dënohen me burg ata që godasin apo kanosin policët apo mjekët.

“Do te ketë ndryshime në Kodin Penal, ashtu siç është bërë me dije më herët. Ne do të përpiqemi të bindim edhe deputetët e rinj që të votojnë pro ndryshimeve, sepse duhen 84 vota. Ndryshimet në Kodin Penal do të bëhen për të shtuar ligje dhe për të hequr disa të tjera. Do të shtohen gjithsej 17 vepra të reja penale dhe disa të tjera do të hiqen.  Për shembull do të hiqet vepra penale që ka të bëjë me gabimin mjekësor, ndërsa do të dënohet sigurisht neglizhenca e mjekut.

Sa i përket dhunës ndaj policisë, me paketën e re të ndryshimeve në Kodin Penal, kush godet punonjësin e policisë, dënohet me burg, është apo jo në protestë. Ligji i ri parashikon se kush godet punonjësit e policisë dënohet 1 deri në 3 vjet burgim. Kjo do të thotë se burgu është i pashmangshëm. Me këtë paketë të re ligjesh, do t’iu jepet mbrojtje e veçantë punonjësve të policisë dhe të gjithë zyrtarëve të shtetit,” – deklaroi Manja.

Shpërndaje
Share.

Komento