Duket se ka marrë fund ngërçi i krijuar në Rinas. Pak minuta më parë në pistën e Aeroportit është ulur për herë të parë pas pezullimit avioni i kompanis “Air Albania”. Kujtojmë se fluturimi i pezullua për shkak të ngjarjes që ndodhi ditën e djeshme me kontrollorët e kompanisë AlbControll të cilët pezulluan punën.
Mësohet se ka arritur avioni i linjës “Air Albania”, i cili ka sjellë dozat e vaksinës antiCOVID. Pezullimet në aeroportin e Rinasit ishin ndërprerë prej 24 orësh, pasi kontrollorët shqiptarë vendosën të mos ushtrojnë detyrën, me argumentin se ndiheshin të paaftë dhe të stresuar, pasi iu ishte ulur paga nga 4 mijë USD në 2.4 mijë USD, për shkak të krizës së pandemisë. Fluturimet nga Aeroporti “Nënë Tereza” u zhbllokuan sot për çështjet humanitare, ndërsa nga nesër pritet të rinisin edhe fluturimet komerciale të qytetarëve. Lajmi për rinisjen e fluturimeve u konfirmua pak orë më parë nga ministrja Belinda Balluku dhe kryeministri Edi Rama.
Ministrja u shpreh se sot do të kryhen vetëm fluturimet emergjente që lidhen me çështje humanitare, shëndetësore, diplomatike, shtetërore dhe ushtarake, ndërsa nga mëngjesi i së premtes rikthehen edhe ato komerciale. Kryeministri Edi Rama iu drejtua presidentit Meta ma fjalët: “Ilir kam një lajm të keq për ty: Vaksinat vijnë sot dhe fluturimet rifillojnë normalisht nesër! Plani yt me Saliun për bllokimin e vaksinimit e rikthimin e Rrunpallës në prag të zgjedhjeve dështoi!”. Hapësira ajrore shqiptare do të menaxhohet nga kontrollorët turq, që do të qëndrojnë në vendin tonë deri në zgjidhjen e situatës.
