Udhëtoi me avion nga Kina në Turqi, përfundon karantina për studenten shqiptare

Google+ Pinterest LinkedIn Tumblr +

Studentja shqiptare Silva Doçi, e cila ndodhej në Turqi ka përfunduar periudhën e karantinës.

Sipas “Top Channel”, ajo do të kthehet në Shqipëri në ditët në vijim, sapo të marrë dritën jeshile nga mjekët turq.

Studentja shqiptare u evakua përmes një avioni ushtarak nga qyteti kinez ku shpërtheu koronavirusi, Wuhan.

Ajo qëndroi nën kujdesin e mjekëve turq prej 14 ditësh dhe pas një sërë ekzminimesh nuk rezultoi mbartese e virusit.

Ministri turk i Shëndetësisë i vizitoi sot 42 të evakuuarit, ndërsa shprehu edhe falenderimet për punonjësit.

“Nga këtu dua të shpreh falënderimet për punonjësit tanë, personelin shëndetësor dhe ata që kanë shërbyer. Ky proces 14 ditor ka përfunduar, ata pas kësaj do të vazhdojnë jetët e tyre normale. Nuk ka nevojë që të bëjmë ndonjë monitorim. Bordi shkencor nuk ka ndonjë propozim në këtë drejtim. Shtetasit nga Azerbajxhani, Gjeorgjia dhe Shqipëria për shkak se i kanë nesër rezervimet e avionëve, u shprehën se duan të qëndrojnë edhe një ditë. Pra, do të kemi si mysafirë edhe për një ditë vëllezërit dhe motrat tona”, tha ministri.

Shpërndaje
Share.

Komento