Pas marrëveshjes politike të arritur të shteteve anëtare të Bashkimit Europian, Komisioni Europian tregon se si duhet të veprojnë shtetet anëtare të BE lidhur me personat që udhëtojnë nga zona të gjelbërta, portokalli, të kuqe dhe të kuqe të errët.
Udhëtarët që vijnë nga zonat e gjelbërta, nuk duhet të ketë kufizime për lëvizjen e lirë. Për udhëtarët nga zonat portokalli, shtetet anëtare mund të kërkojnë një provë para nisjes së udhëtimit (Test PCR). Për udhëtarët nga zonat e kuqe, shtetet anëtare mund t’u kërkojnë udhëtarëve që t’i nënshtrohen karantinës, përveç nëse ata kanë një test para nisjes (Test PCR, ose test antigjen i shpejtë).
Udhëtarët nga zonat e kuqe të errët: udhëtimet jo-thelbësore duhet të dekurajohen me forcë. Kërkesat e testimit dhe karantinës mbeten në fuqi në këtë rast. Komisioni europian gjithashtu sqaron se si duhet vepruar me kategori të caktuara për udhëtarët.
Personat e vaksinuar plotësisht që mbajnë certifikata vaksinimi në përputhje me çertifikatën dixhitale të BE-së COVID duhet të përjashtohen nga testimi i lidhur me udhëtimin ose karantina 14 ditë pasi të kenë marrë dozën e fundit. Kjo gjithashtu duhet të jetë e vlefshme për personat që kanë marrë një dozë të vetme të një vaksine me 2 doza.
