Korrigjimi kufijve të Kosovës është një nga çështjet që e ka ndarë vendin në dy pjesë, ata që janë pro korrigjimit të kufijve dhe ata që janë kundër.
Kundërshtari më i fortë deri tani është kryeministri Ramush Haradinaj, i cili kërkon me forcë bashkimin dhe moslëvizjen e kufijve, ndërsa mbështetësi më i madh, Hashim Thaçi, kërkon korrigjimin e tyre.
Por ndërkohë që dy kampet janë në “luftë” të përhershme, një figurë nga Sanxhaku është duke kërkuar bashkimin me Kosovën.
Lideri i Boshnjakëve në Sanxhak Dr. Sulejman Ugljanin ka folur për gjendjen e boshnjakëve në Sanxhak, për shqiptarët dhe kushtet me të cilat jetojnë ata, ndërsa ka bërë një deklaratë të papritur.
“Ju lutem, ne jemi dy popuj autokton, ne jemi në Sanxhak, ata janë në Preshevë e ato dy komuna tjera, sipas kësaj, nëse mua më pyesni, ne në Ballkan të gjithë jetojmë si në sistemin domino, gjithçka që ndodh me shqiptarët në ato tri komuna atje, ndjehet edhe në Kosovë e Shqipëri, gjithçka që ndodhë me boshnjakët ndjehet gjithashtu edhe në Kosovë, Maqedoni, Bosnje, për atë them se fuqitë e mëdha kanë obligim që të zgjidhin pyetjen afatgjate të këtyre popujve të vegjël të cilën kanë pësuar shumë nga agresioni serb ndër vite”, tha Ugljanini transmeton Gazetametro.net.
Kjo duhet marrë si një shenjë e mirë dhe sigurisht t’i jepet rëndësia e duhur nga Prishtina.
