Mbrëmjen e sotme një ngjarje e rëndë u regjistrua në Durrës, ku dy persona u vranë me armë zjarri.
Anxhelo Avdia dhe Dorian Shkoza ishin duke ecur në këmbë, kur u qëlluan nga disa persona që gjendeshin në makinë.
Së fundmi, detaje të reja janë zbuluar rreth Dorian Shkozës, për të cilin mësohet se ka qenë i dënuar me 8 vite burg për trafik droge.
Ai është liruar nga burgu në vitin 2010 dhe së fundmi ka qenë një ndër subjektet e OFL-së, ndonëse emri i tij nuk ishte publikuar ende si pjesë e listës.
Në foton e mëposhtme është Dorian Shkoza dhe fotot janë siguruar nga Faw.web:
Policia ka gjetur më herët mbrëmjen e sotme një makinë tip “Mercedez Benz” të djegur në zonën e njohur si Bishti i Zhurit në Rrogozhinë.
Makina dyshohet se i përket autorëve të vrasjes së dyfishtë, të cilët më pas e kanë braktisur për të mos lënë gjurmë.
Automjeti ka targën AA 639 ZE që rezulton se i është vjedhur shtetasit me iniciale R.L.
Ata nuk janë identifikuar ende, megjithatë policia po vijon punën për kapjen e tyre.
Ndërkohë, pistat që policia ka ngritur janë: përfshirja në trafikun e drogës, prishje e pazareve të drogës, ose ndonjë konflikt i mëparshëm mes viktimave dhe autorëve.
Lexo:Vrasja e dyfishtë në Durrës: Policia bie në gjurmët e autorëve
