Para se të largohej nga posti i saj si ministre e Kulturës, Mirela Kumbaro, firmosi një emërim të fundit.
Lidhet pikërisht me drejtuesin e ri të Teatrit Kombëtar Eksperimental, i cili sipas “newsbomb”, nuk do të jetë Kiço Londo, por Jonida Beqo, aktualisht drejtore e Teatrit Metropol.
Kiço Londo u vu në konkurs përballë Jonida Beqos dhe mesa duket, kjo e fundit ka qenë preferenca e qeverisësve.
Mësohet se, Londo në ambiente konfidenciale mes miqsh e artistësh është shprehur kundër prishjes së Teatrit Kombëtar. Ndërsa Jonida Beqo, futet te ato emra të cilët janë pro shembjes së këtij teatri.
Kujtojmë se një reagim të disa ditëve më parë, Aleanca për Mbrojtjen e Teatrit mbështeti kandidaturën e Londos dhe doli hapur kundër kandidaturës së Beqos.
Aleanca theksonte edhe punën që ka bërë Londo në drejtimin e Teatrit, ku në vetëm 3% buxhet të akorduar nga Ministria për teatrin, TKE që ai drejton prodhon 60% të shfaqjeve teatrore.
