Para pak ditësh presidenti i Shteteve të Bashuara të Amerikës, Donald Trump u infektua me Covid-19.
Por ajo që çuditi mbarë globin është sesi ai u shërua më shpejt se normalja për një pacient të infektuar me koronavirus. Dhe për këtë lajm pati dilema të shumta dhe reagime negative nga njerëzit.
Presidenti e bëri vetë me dije sesi mundi të kurohej aq shpejt duke thënë se kishte përdorur antitrupa “Regeneron”, si një ilaç të mundshëm për t’u shëruar nga Covid-19, ndërkohë që ai vazhdimisht ka kërkuar të kufizojë aksesin e abortit.
Një nga ilaçet më efektive është krijuar duke përdorur qeliza njerëzore të marrë nga një abort, një praktik kjo e denoncuar në mënyrë të përsëritur nga presidenti Trump dhe mbështetësit e tij Ilaçi është një pjesë antitrupi monoklonal i zhvilluar nga kompania ” Regeneron”. Presidenti mori një sasi prej 8 gramësh, kur u shtrua në spital gjatë fundjavës . Ky ilaç ende nuk është i aprovuar.
Qelizat e përdorur për zhvillimin janë të njohura si qelizat HEK-293T. Ato fillimisht u morën nga një veshkë embrionale pas një aborti të kryer në Hollandë në vitet 1970. Donald Trump, vazhdimisht ka kërkuar të kufizojë aksesin e abortit, ku lëvizja anti-abort është një nga bazat më entuziaste të mbështetjes së Trump. Në vitin 2019, administrata e tij ndaloi fondet për shkencëtarët qeveritarë për të punuar në studime që përfshijnë qelizat burimore embrionale, duke prekur rreth 31 milion dollarë kërkime.
Ndërsa kompania Regeneron, ka thënë se nuk i konsideron qelizat “ind”.
“Është mënyra se si doni ta analizoni, por linjat qelizore 293T të disponueshme sot nuk konsiderohen ind fetal dhe e thënë ndryshe ne nuk përdorim inde fetal,”- ka thënë një zëdhënëse e Regeneron, Alexandra Bowie,
Regeneron ka punuar me qeverinë amerikane për të zhvilluar terapi me antitrupa monoklonale për vite me radhë. Në vitin 2018, studiuesit nga Regeneron dhe qeveria amerikane përdorën të njëjtën linjë qelizash në zhvillimin e një terapie për virusin Ebola.
Ndërkohë ilaçi, Regeneron nuk është i disponueshme për publikun dhe është testuar vetëm në 275 persona deri më sot.
