Mbrëmjen e 3 tetorit në Mamurras, një automjet u qëllua me automatik, teksa ishte në ecje.
Sipas “Report tv”, drejtuesi i automjetit ishte Kreshnik Pistja.
Ky i fundit po lëvizte pranë autostradës së Mamurrasit, duke shkuar për në banesë.
Plumbat kanë arritur deri në sediljen e parë të pasagjerit, por fatmirësisht asnjë prej tyre nuk e ka kapur 27-vjeçarin.
Ngjarja ndërkohë po hetohet nga policia e Mamurrasit.
Blutë e qytetit janë shprehur, se në vendin e ngjarjes nuk janë gjetur gëzhoja.
Materialet proceduriale për ngjarjen janë referuar në Prokurorinë e Kurbinit më 4 tetor.
