Ambasadori Gjerman, Peter Zingraf ditën e sotme ishte në zonën e Maliqit, ku ka vizituar nga afër një projekt të KFË gjermane për trajtimin e mbetjeve. Ai nga kjo zonë ka thënë se projekte të tilla do të vazhdojnë në rang vendi.
Në një reagim për mediat, ambasadori gjerman është pyetur në lidhje me shpalljen “non grata” të ish-kryeministrit Sali Bertisha, ai është shprehur se nuk ka asnjë koment në lidhje me këtë çështje.Çfarë mendoni për shpalljen “non-grata” të zotit Berisha nga DASH?
Ambasadori: Nuk kam asnjë koment
Ndër të tjera ambasadori gjerman foli edhe për negociatat. Ai shprehu vullnetin e Qeverisë Federale sipas së cilës kushtet nga Shqipëria janë plotësuar për tu anëtarsuar në BE.
“Le të themi që unë shpresoj që bisedimet e anëtarësimit të nisin sa më shpejt të jetë e mundur. Ky është një proces që kërkon mjaft punë, bashkëpunimin e gjithë aktorëve. Projekte të tilla çojnë në plotësimin e standardeve europiane.
Në emër të qeverisë federale për të cilën mua më lejohet të flas. Qeveria federale ka thënë që kushtet janë plotësuar tanimë. Të njëjtën gjë konfirmoi dhe BE. Unë jam optimist për nisjen e negociatave. Por ky është një proces që kërkon dakordësinë e të gjitha vendeve. Ministri federal është pro këtyre negociatave”, tha Zingraf.
