Ditën e sotme një plagosje ka ndodhur në lagjen Pavarësia në Vlorë.
33-vjeçari Tonin Ramaj është qëlluar 4 herë në pjesën e këmbëve sapo ka dalë nga banesa e tij. Ndërkohë autori ende i paidentifikuar qëlloi me armë zjarri të riun dhe u largua në këmbë.
JOQ ka publikuar momentin kur Tonini me plagë kërkon ndihmë.
Pas ngjarjes i riu është dërguar në spital dhe ndodhet jashtë rrezikut për jetën. Një prej dëshmitarëve në vendngjarje u shpreh se ka dëgjuar 3 apo 4 të shtëna.
“Dëgjova krismat, nuk pashë gjë”, banori flet pas plagosjes në Vlorë: Një person bërtiti. I plagosuri ka marrë plagë në këmbë, por pa pasojë për jetën. Policia ndodhet në vendin e ngjarjes dhe ka rrethuar zonën. Bëhet e ditur se i riu është qëlluar sapo ka dalë nga banesa e tij.
Ndërkohë në rrugët hyrëse dhe dalëse janë vendosur patrulla të policisë. Një prej dëshmitarëve në vendngjarje shprehet se ka dëgjuar 3 apo 4 të shtëna, ndërkohë që sherri fillimisht ka ndodhur brenda në lokal, ndërsa jashtë është qëlluar më pas me armë. Vlen të theksojmë se gjatë këtij viti një sërë ngjarjesh kriminale kanë tronditur vendin tonë, ku një pjesë prej tyre akoma nuk janë zbardhur dhe autorët ende janë të lirë rrugëve.
