Alma Kaçi, gruaja e cila shfaqet duke kryer marrëdhënie intime me ish kryetarin e bashkisë së Kukësit, Safet Gjici, në zyrën e këtij të fundit, u la në “arrest shtëpie” nga Gjykata e Posaçme Kundër Korrupsionit dhe Krimit të Organizuar. Gjatë seancës që u zhvillua këtë të hënë (26 qershor) avokatja e Alma Kaçit kërkoi që klientja e saj të hetohej e lirë, por kjo gjë nuk u pranua nga Gjykata e Posaçme.
Avokatja Natasha Velia u shpreh për mediat, se Kaçi ka një fëmijë të mitur dhe nënën e sëmurë si dhe është personi i vetëm që siguron të ardhura, ndaj kërkoi të hetet në gjendje të lirë. Ajo theksoi se klientja e saj nuk ka tentuar të largohet dhe nuk ka bashkëpunëtorë.
“Ka një fëmijë të mitur dhe nënën e sëmura ndaj kërkova të ishte pa masë fare. Është i vetmi person që sjell të ardhura në shtëpi. Gjykata nuk pranoi, do vijojë hetimi në këtë masë. Nuk ka bashkëpunëtorë absolutisht. Nuk ka tentuar të largohet, ka një fëmijë”, tha avokatja Velia.
Kujtojmë që Gjyjkata e Posaçme la masën e sigurisë arrest me burg për ish kreun e bashkisë së Kukësit, Safet Gjici, i cili akuzohet për korrupsion pasiv.
