Një shqiptar ka humbur jetën mbrëmjen e djeshme në Greqi, por ngjarja u bë me dije sot.
Ngjarja e rëndë ka ndodhur rreth orës 20:30 në kryqëzimin e Papagou dhe Paul Mela në zonën e Sindos në Selanikun perëndimor.
Ai ka qenë duke drejtuar një motoçikletë dhe u përplas me një makinë.
Si pasojë, ai ka gjetur vdekjen e menjëhershme.
Mjeti tjetër drejtohej nga një 21-vjeçar grek.
Bëhet me dije se viktima ka qenë 40 vjeç.
Nga ana tjetër, identiteti i tij nuk është zbuluar ende.
Shërbimet policiore të Selanikut janë duke hetuar rreth shkaqeve të ngjarjes.
