Një video e publikuar disa ditë më parë në internet, ka shokuar opinionin publik në të gjithë botën.
Videoja është bërë virale, në të cilën një 46-vjeçar afro-amerikan ka humbur jetën pas dhunës së ushtruar nga një oficer policie.
Pas vrasjes brutale të 46-vjeçarit George Floyd nga policia në Menneapolis kanë shpërthyer protestat.
Demonstruesit i kanë vënë flakën komisariatit të policisë në Minneapolis, duke shkatërruar gjithçka.
War pic.twitter.com/P3eWNC6Z9O
— Sophia Narwitz (@SophNar0747) May 29, 2020
Selia e tretë e prefekturës së Departamentit të Policisë Minneapolis u sulmua në orët e vona të së enjtes mbrëma, nga një turmë e egër protestuesish që shiheshin duke u futur në ndërtesë, duke shkatërruar xhamat dhe disa që përpiqeshin t’i vinin flakën.
Ndërsa policia ishte e pranishme në zonë, duket se oficerët janë tërhequr duke mos bërë rezistencë ndaj prishjes së godinës.
The fire at the MPD’s 3rd Precinct was only at one corner 5 minutes ago. It’s now spread across the entire building. With no firefighters on scene… that building will likely be destroyed tonight. pic.twitter.com/t6p3Yv1KYV
— Seth Kaplan (@Seth_Kaplan) May 29, 2020
Ngjarja ka bërë që të ketë protesta edhe në vende të tjera si në Chicikago, Los Angeles dhe Memfis.
Kujtojmë këtu se Floyd u mbajt për shumë minuta i shtrirë përtokë, ku oficeri i policisë i vendosi me forcë gjyrin e tij në zverk.
Precinct is down pic.twitter.com/LCs90UdF2o
— Sophia Narwitz (@SophNar0747) May 29, 2020
George Floyd i përgjërohej policit se nuk mund të merrte frymë, mirëpo ai nuk e lëshoi pavërsisht thirrjeve të tij për ndihmë.
Ngjarja ka ndodhur për shkak se pronari i një marketi lagjeje e kishte thirrur policinë, pasi dyshonte se George Floyd kishte dashur të merrte produkte me kupon fallso.
Edhe personat kalimtarë që janë ndodhur në momentin e ngjarjes i kanë kërkuar oficerit të policisë që ta lironte 46-vjeçarin, pasi ai nuk po tentonte as t’i kundërshtonte.
