U lirua nga burgu një ditë më parë, dinamika e plagosjes së 22-vjeçarit në Greqi

Në orët e para të mëngjesit të sotëm, një incident me armë zjarri ka ndodhur në Greqi, ku është plagosur 22-vjeçari shqiptar Dhjonisi Kapllani nga qyteti i Ersekës. Kapllani ishte pasagjer në një automjet tip “Smart” kur një “Audi” Q2 e ndoqi dhe hapi zjarr ndaj tij, duke e plagosur në kofshë. Të dyja automjetet u larguan nga vendi i ngjarjes pas incidentit.

Kapllani ishte liruar nga burgu vetëm një ditë më parë, ku kishte qenë i dënuar për pjesëmarrje në një organizatë kriminale dhe trafik droge. Policia greke dyshon se autori i sulmit është një 26-vjeçar grek me mbiemrin Filanthropopoulos, i njohur për precedentë penalë.

Në vendin e ngjarjes u gjetën gjashtë gëzhoja dhe dy predha arme zjarri të kalibrit 7.62 mm. Kapllani është transportuar në spital dhe gjendja e tij po monitorohet. Policia greke ka nisur hetimet për zbardhjen e plotë të ngjarjes.