Një nga problematikat e krijuara nga epidemia COVID-19 në vendin tonë, kanë qenë edhe emigrantët në kufij.
Mësohet se 130 shqiptarë të futur nga Kapshtica janë akomoduar në 3 hotele, 2 në Korçë dhe 1 në Pogradec.
Për 35 të parët shpenzimet i ka mbuluar Këshilli i Diasporës, ndërsa të tjerët i paguajnë vetë.
Me urdhër të qeverisë ata do të qëndrojnë në hotel për 14 ditë. Kryeministri Edi Rama ka theksuar se ata që janë rezidentë në një vend tjetër, nuk do të lejohen që të futen në territorin shqiptar.
Prej ditësh ndërkohë ka filluar edhe dezinfektimi i konviktit të Universitetit të Shkodrës, që do të shërbejnë si karantinë për të riatdhesuarit.
Gjatë 24 orëve të fundit u shënuan 19 raste të reja me COVID-19, duke e çuar numrin në 494.
Në mesin e tyre numërohen 25 viktima dhe 251 të shëruar.
